[i54₇]

DE LA VILLE DE PARIS.

et magnificence, tant ès obseques et enterrement du feu Roy, son pere, et messeigneurs ses deux freres, que aussi à son entrée, et aussi à l'entrée de la Royne, et qu'il ne voulloit que riens y feust espargné, et

que, à ceste cause, lesd. Prevost des Marchans et Eschevins advisassent de faire dresser leurs préparatifs pour y faire leur devoir, qui sera exemple aux autres villes.

XCVIII [XLVII]. — [Remontrances du Prévôt des Marchands et des Échevins

au Connétable et au Chancelier.]

4 avril 1547. (Fol. 53.)

Le lundi ensuivant, quatriesme jour dud. moys d'Avril, lesd. Prevost des Marchans et Eschevins allerent du matin devers lesd, s™ Connestable et Chancellier, pour leur faire souvenir de faire entendre aud. seigneur Roy la neccessité de lad. Ville de Paris et habitans d'icelle, afin de les faire descharger de lad. somme de quarante mil escuz.

Lesd, s™ Connestable et Chancellier leur feirent responce que le Roy en estoit adverty et que encores l'on en parleroit au Conseil ce jourd'uy, et que les choses estoient en bons termes et qu'ilz obtiendroient ce qu'ilz demandoient, ou pour le moings une grande partie, et qu'ilz actandissent encores pour ce jour.

Et le mesmes jour, environ les cinq heures de relevée, après que le Privé Conseil fut levé, iceulx Prevost des Marchans et Eschevins, acompaignez comme dessus, retournerent devers mesd. s^rs le Connestable et Chancellier, pour entendre la resolution et responce dud. affaire; lesquelz leur feirent responce qu'ilz én avoient encores parlé au Roy, mais n'estoit encores arresté, et leur dit led. s^r Chancelier qu'il suffiroit de laisser ung de leur compaignée pour actendre la responce dud. affaire, quant la re-solucion en aura esté faicte.

Encores lesd. Prevost des Marchans et Eschevins, ayans trouvé led. Chancellier à propos, luy remons-trerent que par cy devant le Roy leur avoit accordé par ses lettres patentes que les sentences données par iceulx Prevost des Marchans et Eschevins seroient executées, nonobstant l'appel, jusques à la somme de seize livres parisis, et qu'ilz avoient presenté lesd, lettres à la court de Parlement, pour demander la verifficacion, ce que lad. Court n'avoit voullu faire'¹'.

A quoy led. s^r Chancellier feist responce qu'ilz feissent dresser une provision telle qu'ilz verroient estre nec-cessaire, et qu'il leur fera despescher.

Semblablement, luy ont remonstré que, depuis quelque temps, a esté érigé trois offices nouvelles de mesureurs de charbon en la Ville de Paris, lesquelz ne veullent obeyr à la jurisdicion de lad. Ville comme les autres, et disent qu'ilz ne respondront par devant les Prevost des Marchans et Eschevins, mais feront donner assignations à leurs parties au Grant Conseil, qui est ung grant trouble pour la jurisdicion dé lad. Ville et grande vexacion pour les parties, et qu'il luy pleust y avoir esgard. Et led. s^rChancellier leur a faict responce qu'ilz feissent dresser une provision telle qu'il sera neccessaire, et qu'il fera renvoyer toutes les causes pardevant eulx, comme la raison veult.

Luy ont aussi remonstré iceulx Prevost des Marchans et Eschevins que, depuis la nouvelle creation desd, trois offices de mesureurs de charbon, il avoit esté ordonné que, en les remboursant de ce qu'ilz en avoient payé, et leur fraiz, dommages et interestz, lesd, offices seroient suprimées, et qu'il luy pleust accorder que, en faisant le remboursement comme dit est, elles feussent supprimées. Lequel s^r Chancelier feist responce que, si ceulx de la Ville eussent faict leur devoir de les rembourser, elles eussent esté suprimées , et que pour les négligences, après plusieurs deffaulx, il a esté forcé de faire recevoir ceulx qui avoient achepté lesd, trois offices nouvelles créés; neantmoings qu'ilz présentassent une requeste bien ample au Conseil, et que l'on y fera ce que l'on

(-).

pourra

C Ces lettres patentes avaient été délivrées le 27 décembre précédent (voir ci-dessus le n° LXXXVIII). Le Parlement ne consentit à les enregistrer que sur une nouvelle ordonnance de Henri II, le 12 juillet 1548. (²) Le bas du fol. 53 v° est en blanc.